Data Masters се приклучи на истражувањето што го спроведува IT.mk наречено „Мапирање на IT индустријата во Македонија“.
Анонимната анкета која има за цел да направи пресек на движењата и интересите во делот на IT индустријата во нашата земја, ќе помогне да се дефинираат сите аспекти од сферата, како што се технологиите, трендовите, навиките, алатките, работните класификации и желбите на кадрите, но и соодветно да се дознаат и потребите и примањата на кадрите во Македонија.
Како компанија специјализирана во работа со податоци, Data Masters ќе ги обработи, анализира и визуелизира податоците од истражувањето кое е предвидено да трае 4 до 5 недели.
Data Masters е компанија која преку својот начин на работа и Академија создава кадри и придонесува на пазарот на труд во оваа индустрија во Македонија. Во таа насока, сметаме дека истражувањето ќе помогне и може да биде корисно и за кадрите и компаниите во оваа област. По претставувањето на резултатите, сегашните и идни кадри ќе можат да дознаат што се бара во IT индустријата, кои вештини треба да се стекнат, висината на приходите и сл; додека на компаниите може да им помогне во насока на подобрување и дополнување на условите, а со тоа и привлекување на квалитетни кадри.
Истражувањето ќе се одвива во три фази, и тоа:
- Собирање на податоците преку анкета Мапирање на ИТ индустријата – IT.mk истражување – 2022
- Обработка на податоците од страна на Data Masters
- Презентирање на податоците од страна на IT.mk
Помогни ни заедно да ја мапираме македонската ИТ индустрија во 2022 година!
